Strympuslóðir

Skvíza

2005-10-09T00:46:00.000Z

Í dag opnaði gæludýrabúð hér í bæ, sú fyrsta sinnar tegundar. Börnin alveg sjúk, mamma, má ég fá hamstur, eða eðlu, eða naggrís eða........ Gera mann alveg gráhærðan. Karlinn kom í land í hádeginu, fór beint í ríkið og fékk sér tvær sixpack og byrjaði náttúrulega strax á þessu. Krakkarnir þekkja þetta og fóru að segja honum allt um þessa gæludýrabúð, haldið að karlinn hafi ekki rokið strax upp og í búðina keypt dísarpáfa og búr og alles, klikkaður. En fuglinn er ótaminn þannig að við þurfum að einbeita okkur að því að temja og þannig. Þetta er kvenfugl og við nefndum hand Skvísu eða Skvízu, hún er voða falleg greyið, ég vona bara að henni komi til með að líða vel hjá okkur.

Eins og sjá má varð ekkert af skilnaðinum sem ég talaði um í síðasta bloggi, allt í sama farvegi þessa víkuna, svo með næsta fylleríi byrjar þetta allt aftur, við erum búin að skilja núna aftur. Hann man þetta ekki á morgun, það er bara hvað skildi ég hafa mikla þolinmæði.
Nóg í bili.

Hvað er í gangi ?

2005-10-01T22:59:00.000Z

Jæja, skildi maður vera skilin eða ekki það er nú spurning dagsins ! Vorum að ræða saman skötuhjúin í gær, og ákváðum að við ættum ekki lengur saman og að það væri kominn tími að skilja. Svo fór minn maður út að skemmta sér enda aldeilis ástæða til, loksins laus við kellinguna. Þá er spurningin,,, man hann þetta þegar rennur af honum ? Ef ekki þá hef ég ekki ( held ég ) andlega orku í annað eins samtal, en ef hann man þetta allt saman þá er mér létt að hluta til. Maður er betur settur einn með börnin heldur en að vera með hann alltaf í glasi að auki. Ok, búið mál, ræði þetta ekki frekar.

Klukk ,, aftur.

2005-09-29T16:56:00.000Z

Jæja, hún Hrönn mín er iðin við þetta, Nú er hún búin að klukka mig aftur,, eitthvað nýtt klukk í gangi hér. Nú á ég að segja 7 staðreyndir um 6 atriði eða þannig.

1. 7 hlutir sem ég vil gera áður en ég dey.

1. Læra spænsku.
2. Læra Frönsku.
3. Ferðast um Frakkland, eftir að ég læri frönskuna.
4. Sama um Mallorca.
5. Grennast
6. Gera meiri handavinnu og læra meira.
7. Læra að hafa gaman af að elda.

2. 7 hlutir sem ég get gert.

1. Saumað kross saum
2. Lesið góðar bækur.
3. Talað ensku.
4. Pikkað á tölvu.
5. Eldað kjöt í karrý.
6. Keyrt bíl
7. Borað í vegg með borvél.

3. 7 hlutir sem ég get ekki gert.

1. Borðað skötu
2. Staðið uppi á þaki og horft niður.
3. Þolað fótbolta
4. Kennt
5. Talað frönsku og spænsku.
6. Spilað á hljóðfæri.
7. Flogið flugvél.

4. 7 hlutir sem heilla mig við hitt kynið.

1. Augun
2. Sitjandinn,
3. Munnurinn.
4. Málfarið.
5. Tærnar.
6. Nefið.
7. Lyktin

5. 7 frægir sem heilla.

1. Dustin Hoffman
2. Donald Sutherland
3. Kiefer Sutherland
4. Harrison Ford
5. Tom Hanks
6. Juan Pablo Montoya
7. Páll Óskar Hjáltýsson

6. 7 orð sem ég segi oftast.

1. Nei.
2. Já, halló.
3. Hættu þessu.
4. Ekki.
5. Ég þekki það ekki.
6. Ég veit ekki.
7. Krakkar.

7 sem ég klukka eru: Rannveig, Guðný, Magga, Hafdís og Erla á mellur.net, Anna G,

úff hvað þetta var erfitt klukk.Mér datt bara lítið í hug.

Ég komst inn !

2005-09-28T21:33:00.000Z

jei, ég komst loksins inn hérna án vandræða. Nú er vika síðan ég var skorin í hægri hendina og ég er búin að taka teygjubindið af, læknirinn sagði að ég mætti losa og minnka umbúðirnar í gær og ég gerði það, en nú er ég búin að taka þetta. Er ekki gott að láta lofta um svona skurði ? Veit ekki, ég er bara svo pirruð að ég tók þetta. Ætla að fara að æfa mig að sauma, er búin að prufa smá, það er vont að klippa en svo sem allt í lagi að sauma. Alla vega ekkert verra en að hengja upp þvottinn. Ég get víst ekki látið óhreina tauið bíða í marga daga, þannig að ég verð bara að bjarga mér sjálf, ekki fæ ég hjálp við þetta hér heima. En mikið rosalega sækir kuldinn í sárið, ég er að frjósa á hendinni. Fékk frábæra heimsókn í dag, Gerða Antons kom til mín til að skoða bútasaum og við áttum mjög góða stund saman við umræður og skoðun á saumum og sniðum.
Nóg í dag. það eru komin grýlukerti á puttana á hægri hendi. :)

Klukkið

2005-09-24T16:13:00.000Z

Jæja, ég var víst klukkuð um daginn og hér koma 5 vitagagnslausar upplýsingar um mig:

1. Ég elska thailenskan mat, var að enda við einn skammt, elska reyndar allan mat með bragði :)

2. Þessa daganna er ég með svona onetrack mind¨, ég hugsa bara um handavinnuna mín og tala um lítið annað.

3. Ég elska allt sem er gult, og græni liturinn kemur nú svo sem mjög nálægt þeim gula.

4. Ég er mikill Eurovision Song Contest aðdáandi, og rosaleg jólakerling, byrja að plana jólagjafir fyrir næstu jól strax á aðfangadag.

5. Ég get ekki hugsað mér að vinna á leikskóla, sjúkrahúsi eða þar sem umönnun er aðalmálið. Ég held ég sé búin með alla mína umönnunarhæfileika.

ps. þetta er nú meira bullið,,,en svona er ég nú.

5.

Klikkuð.

2005-09-23T01:11:00.000Z

Klukkuð af henni Hrönn, eða er það klikkuð. Ég ætla að reyna að taka þessu klikki, þegar ég er orðin góð í hægri hendinni. Ég fór í aðgerð í gærmorgun að láta laga klemmdu taugina mína. Ég má minnka umbúðirnar á þriðjudaginn og svo er saumatakan eftir 12 daga frá aðgerð, sem sagt 11 dagar í dag. Það er rosalega erfitt að geta ekkert saumað, ég get ekki fest hugannn við að lesa. Það er svo erfitt að halda á bókinnni sem ég er að lesa með annarri hendinni. Hún er þykk, lítil og paperback, dettur alltaf þrgar ég reyni að fletta bls. þá held ég að ég njóti þess bara að sofa, horfa á sjónvarp og þannig. Krakkarnir hugsa um sig sjálf, og meira að segja sá litli leyfir mömmu að leggja sig. Hann er ekkert að fikta.

Svolítið pirruð í dag.

2005-09-13T23:29:00.000Z

Hvar er Leiðarljós ? !! Það var ekkert Leiðarljós í sjónvarpinu í dag og ég er hundfúl út af því, dagurinn bara alveg ónýtur. Ég hringdi nú samt strax í sjónvarpið og spurði, símadaman sagði að það yrði ekkert Leiðarljós í dag og út þessa viku en svo byrjar nýtt eftir helgi. Bah, þar fór öll vikan í leiðindi. Karlinn fór á sjó í dag eftir nokkura daga brælu, krakkarnir rífa allt og tæta og maður gerir ekki annað alla daga en að reyna að taka til og þrífa, en því miður ég hef ekki undan. Er að pæla í að sauma mér mynd þar sem stendur: húsverkin eru gerð annann hvern dag, og það var í gær..... eða eitthvað þannig. Setja þetta nálægt útidyrunum svo allir sjái. Fékk í dag miða frá kennurum í 4. ekk (sent til allra foreldra) þar sem talað var um að sumir nemendur koma ekki með hollt og gott nesti, það hristir upp í manni og maður reynir að gera betur. Held nú samt að ég sé að gera vel við börnin varðandi hollustu. Nú þurfa þau að fara með tvöfalt nesti í skólann, eitt í nestistíma og annað í hádegistíma. Nú borða allir í mötuneyti og til stendur að selja mat og þannig en það er náttúrulega ekki komið í gang. Ég hef nú smá áhyggjur af því hvernig fer með þetta blessaða nesti þegar ég kem úr handa aðgerðinni og má ekki nota hægri hendina. (þetta verður eftir 20. sept.) Karlinn getur ekki fengið sér frí til að sinna þessu þannig að ég held ég láti bara krakkana gera nestið sjálf. Þau hafa gott af því.
Jæja, nóg af bulli í dag. Ætla að hafa það gott á morgun og sauma á fullu.

Hlakka til á morgun.

2005-08-29T00:46:00.000Z

Já, hvað ég hlakka til á morgun ( reyndar seinna í dag, það er víst kominn nýr dagur ! ). Tvíburarnir eru að fara í skólann í fyrsta skiptið þetta haust, þau eru að fara í fjórða bekk ! Og sá litli fer í leikskólann klukkan átta líka þannig að morguninn verður barnlaus hjá mér. Núna er ég að hamast við að klára heimilis verkin til að fá frí frá því á morgun og svo ætla ég að sauma og sauma og sauma..... alveg út í eitt. Held ég byrji á Leyni SAL númer 3, mér gengur bara vel með það, síðan þegar sá stutti kemur heim klukkan 12, gef ég honum að borða og þannig og sauma síðan leyni SAL 1, sem er nú ekki leyni neitt lengur þar sem ég er með loka sendinguna og sauma eftir henni. oooh hvað ég hlakka til. Þarf nú að fara að hætta í tölvunni svo ég verði ekki alveg frá í öxlunum á morgun.

Þvílík helgi.

2005-08-29T00:24:00.000Z

OMG, þetta var æðisleg helgi. Karlinn kom í land um hálf fjögur á föstudegi, rauk beint með familíuna út í Bolungarvík í veiði í ánna. Fékk lánaða fluguveiðistöng og fínerí. Keyrðum troðning upp með á þangað sem bíllinn komst. Tvíburarnir fóru labbandi með pabba sínum lengra upp með ánni, voðalega spennt fyrir þessu. Litli guttinn neitaði að fara svo ég beið í bílnum með honum (var nú búin að undirbúa mig fyrir eitthvað þessu líku og var með bók, saumablað og smá saumakitt og skæri meira að segja líka) Um klukkan sjö kallaði ég á þau, við þurftum að æða inn á Ísafjörð, koma börnunum öllum í pössun (tvíburarnir hjá ömmu sinni en sá litli hjá nágrannanum á næstu hæð fyrir neðan okkur), svo átti karlinn eftir að baða sig og dressa, og ég að dressa mig upp og setja á mig andlitið, því okkur var boðið í grill út í Bolungarvík hjá eiganda bátsins sem karlinn er á. Áttum sko að mæta þar klukkan átta en komum 20 mínútum seinna sem kom ekki að sök. Þar fengum við bjór (kaffi fyrir mig þar sem ég keyrði) og hittum fyrir aðra meðlimi í áhöfn skipsins. Maturinn var æðislegur, grillaðar þverskornar lamba hryggsneiðar, grillaður svartfugl, grillaðar kartöflur, maískólfar salat og sósa, rósavín og vatn eða gos með. Í eftirrétt voru svo grillaðir bananar, skornir endilangt, súkkulaði sett ofan í og vafið í álpappír, eftir grillun var pappírinn tekinn af og settur þeyttur rjómi ofan í. Yummy þetta kalla ég sko sælgæti. Síðan var boðið upp á koníak, eða viskí eða kaffi eða bjór eða bara allt saman, snakk, sælgæti í skál, heit ídýfa og heitur brauðréttur. Nokkrir gaurar með gítar bættust í hópinn og það var frábært fjör. Um klukkan hálf tvö var okkur síðan réttur miði á ball með Sálinni hans Jóns míns og við fórum öll í Víkurbæ á ball. Mér leist nú ekkert á blikuna þegar ég ætlaði inn, anddyrið á staðnum var eins og síldartunna, maður varð að troða sér inn. Það var ekki eins slæmt inni, hljómsveitin var í pásu og allir í anddyrunum að reykja eða fá sér ferskt loft. Ég fór beint á dansgólfið og dansaði bara mest allann tímann sem eftir var. Þvílíkt stuð, eins og er vanalega hjá Sálinni. Eftir ball fórum við kallinn svo bara beint heim, ég er ekki upplögð að fara í eftirpartý eftir svona stuð, gat varla keyrt var svo ofboðslega þreytt. Síðan svaf ég bókstaflega allann laugardaginn, börnin hugsuðu bara um sig sjálf enda íbúðin í rúst þegar ég loksins vaknaði um kvöldið. Það er langt síðan ég fór út að skemmta mér og þetta var alveg einstaklega vel heppnað allt saman og frábærlega gaman.

Leiðindin að drepa mann.

2005-08-11T23:13:00.000Z

Þetta er nú meiri dagurinn. Vaknaði fyrir 7 í morgun til að vekja yngsta, gefa honum morgunmat og klæða. Hann átti að mæta í leikskólanum í fyrsta sinn klukkan átta. Fór svo bara heim að horfa á The Bold and The Beautiful. Saumaði smá í leyniverkefnið sem ég er að gera. Fékk nú reyndar frábæran póst um pening sem ég á inni í einhverri ríkisstofnuninni. Hef síðan setið við tölvuna og tékkað á póstinum á 2 mínútna fresti. Algerlega dauð!!! Ömurlegur dagur. Hugurinn er bara algjörlega tómur........................... þannig að hér endar þetta blogg.

Þvílíkur dagur.

2005-07-26T21:21:00.000Z

OMG, það var bara eins og á Spáni hérna úti á svölum í dag. Við Sara lágum þarna úti hálf berar í allann dag. Ég er bara komin með töluverðan lit. Karlinn kom loksins heim í kvöld eftir 2 mánuði í Vestmannaeyjum. Gott að fá hann heim loksins og krakkarnir í sjöunda himni. Það sem er fjör hérna úti í garðinum, það er svo mikið af krökkum sem eiga heima hérna nálægt og nú eru komin upp 3 tjöld í garðinum og þau eru öll að leika saman inni í tjöldunum og úti á grasinu, lætin og hávaðinn,,, já tölum ekkert um það. Jæja, leiðindar heimilisverkin bíða, uppvask, tiltekt og þvottur. Æ, ef maður hefði nú maid til að gera þetta allt saman á meðan maður er í sólbaði eða að sauma eða eitthvað annað úr því að karlinn er nú kominn heim.

Loksins, loksins.

2005-07-25T03:58:00.000Z

Maður er nú ekki maður með mönnum í dag nema maður sé með bloggsíðu, og loksins kom að því að ég opna hér með mína eigin blogg síðu.

Dagurinn í dag.

2005-07-24T22:38:00.000Z

Whew, rosalega var flott veður í dag. Hitinn í kringum 20°C en það var smá vindur hér upp á svalirnar þannig að það var ekkert ólíft að liggja á svölunum í sólbaði. Jæja sólbað og ekki sólbað. Ég get nú ekki legið kyrr í 5 mínútur, var með bók til að lesa en gat nú ekki fest hugann við hana svo ég fór að sauma, er að klára að quilta (stinga) bútasaums snyrtibuddur. Var búin að keyra krökkunum og mömmu inn í skóg með tjald og nesti þannig að ég hafði frið og ró hér heima. Í gær fór ég líka með í skóginn, þar er algjört skjól fyrir vindi og tjaldstæðið orðið svo flott. Það var svo heitt í gær að ég var að stikna þarna liggjandi á tjaldsvæðinu. En svo kom þoka þannig að það varð svalara um kvöldið.